BTS ‘V’ In BlackPink Fala Jennie A Thlunsual, Instagram Ah A Follow Sual

Leitlun milar hminthang pawl ih cangvaihnak cu mipi in an rak bih ringring. Tulai leitlun awmmawi khawvel ih pawlkom larbik pahnih cu BTS le BlackPink an si, an mipi pawl khal an ral’aw zet ih ṭongkam in an doaw ringring.

Kan dungzarh ah BTS tlangval kum 25 mi Kim Tae-hyung (V) in Instagram account a tuah ih nazi 4 le minutes 40 sungah thluntu followers 10 million lenglo anei hngal, leitlun ih Instagram thluntu neicak bik ti a si. A hlanih Instagram thluntu neicak bik Angelina Jolie khal V hmai ahcun a duai.

V in Instagram a tuah hnuah BTS pawl cu an thlunaw (follow) khawm ih V in a thlunmi cu 7 lawng an si, cumi hnuah 8 an kim thutthi cu mipi in zoso a thlun tin an rak bih hngal ve ih BlackPick fala kum 25 mi Jennie Kim arak si cu an mangbang tuk. V in a thlunsal lo (unfollow) hngal nan mipi in screenshot thawn online tualrawn ah an rak tarlang celcel zo ih an duh’aw deuh a si ding tin media ṭhenkhat ah an tarlang.

BTS uartu fala pawlin Jennie cu an hringhro ciamco hngal ih V kiang ihsin tlan hngal’aw tin ca an kuat. Jennie uartu pawl khalin an siangpahrang nu cu an rak humhim ve ih anih ih thiamlonak zianghman anei lo, Jennie le V hi an hnipuan hruh duhmi khal a bangaw ringring. Uite khal an vulh veve ih an kum khal a bangaw, duhaw dingah an mil’aw tuk. Instagram ah an thlunawk cu poinak um som an rak ti ve.

Kim Tae-hyung (V) in a hmetsual ruangah a thlun thu simfiang awknak a nei ih, “Instagram ah thlun ding rualpi ṭha tin khihhmuhtu “Suggest for you” ra lang ṭheu mi hi hlonhlo dan aum maw? App buaithlak zet a si” tin a tarlang.

Be the first to comment

Leave a Reply

Your email address will not be published.


*