Buainak Hawl Ringring A Pasal Cu Zanriah A Tuahsak Hnuah >>>

Yangon, Shwepyithar vengsung ih um pacang U Zeyar Lin cu an innsang ah buainak a tuah ringring. Zu a in ṭheu ih zu a rit caan ah a nupi parah thinhengnak a hawl.

May 20 zan nazi 11:00 hrawngah zuripin a tlung, a nupi kum 47 mi Daw Sein Sein Aye in zanriah a tuahsak hnuah amahten a ei. Zan a tlai zo ruangah a nupi cu ihkhun ah ava it, kumkhat kim hrih lo fapa an nei.

U Zeyar Lin cu zanriah a ei khoh hnuah ihkhun ah ava feh ih a nupi cu a kawk, an thosilen cu a dir siat. A nupi in a tuar thei nawn lo ruangah an coka ta namtong ava la ih a pasal zuri cu a sat that.

Ṭuanvo neitu in, “Mizan nazi 11:00 ah an buai. An thuhla kan theih veten an inn ah kan va feh, thilṭulmi pawl kan tuah ṭheh hnuah cun zan nazi 11 a luan zo. Kumkhat kim hrih lo fa an nei” a ti.

Daw Sein Sein Aye cu tualthat thubuai orhter in an kai, an thuhla cu ṭuanvo neitu pawlin an zingzoi vivo ding tin palik bawi in a rel.

Be the first to comment

Leave a Reply

Your email address will not be published.


*