Building Par Ihsin Nunau A Dawp That, Kum 2 Liamzo Ah Hitawk Hmun Ciahciah Ah Nunau Pakhat Arak Dawp That Zo

Malaysia, Klang Parade Mall par ihsin nunau pakhat a dawp that. Zo a si tileh ziangruangah a dawp that ti cu an phuang hrih lo ih palik pawlin a sulhnu pawl an zingzoi rero lai.

October 22, 2021 sun nazi 1:00 hrawngah nunau cu building par ihsin a dawp ih a sawhaw nazet ruangah a hmun ah a thi cih. A lu ihsin thisen tam zet a suak. Kiangkap ah mipi an um tam zet ih hlaral ihsin an zuk rero.

December 2019 kum ah hitawk building par ihsin Malaysia nunau kum 26 mi cu arak dawp that zo, anih cu sumpai lam harsatnak ruangih thataw a si. Tulai leitlun boruak a sia tuk zo ruangah minung thinlung khal a tibuai thluh ih mah le mah thatawk duhnak a hringsuak áš­heu.

Be the first to comment

Leave a Reply

Your email address will not be published.


*