“Bungbel Nan Tum Asilen Ka Lo Kai Ding” Tin Mipi Pawl Hringhro Ṭheutu An Kap That

Yangon, Dagon Seikkan Township, Yuzana veng lal cu zo ti theih loin an kap that. U Tin Moe cu ralkap lamtang a si ih ralkap pawlin veng lal an ṭuanter, ralkap pawlin an bawm ṭheu ruangah a ngal in a puarthau zet.

An vengsung mipi pawl hnenah “Bungbel nan tum asilen ka lo kai ding” tin a hringhro ṭheu. Tuisun August 5 zanlam nazi 4:00 hrawngah zo ti theih loin an inn sungah an va lutchilh ih an kap that.

Tualsung mi pakhat in “Tui zanlam ah an inn ah meithal awn vei 3 kan thei. Vengsung ah bungbel nan tum asilen ka lo kai ding tin mipi pawl hringhro ṭheutu a si. Meithal kahnak hliamhma pathum a tuar, siizung ih an tlanpih laiah lamzin ah a thi” a ti.

Cuvek thotho in South Dagon, ahmat 53 ih veng lal khal mino 3 an kap nan an kap ngah lo. August 3 zinglam nazi 11:30 hrawngah mino 3 cu bike thawn an phuraw ih veng lal inn cu an kap ciamco, asinan an rak tlansuak man ruangah hliamtuar le mithi an um lo.

Be the first to comment

Leave a Reply

Your email address will not be published.


*