Tanintharyi, Dawei District, Thar Yar Mon khuate ih um nunau nauhak kum 4 mi Ma Myiat Nuh Pye cu bus in a pah that. Ralhrang kuthnuai ih um an khua lal in ting 30 in remawknak a tuahter.
August 5, 2022 zinglam nazi 11:00 hrawngah Ma Myiat Nuh Pye cu khualtlawng bus ATW Express in a pah ih a hmun ah a thi cih. ATW Express bus cu Yangon-Dawei-Myeik lamzin ih tlan ṭheu a si.
Thar Yar Mon khuasung ah cakpin a tlan ih tualsung mi nauhak a pah that. Khuami pakhat in, “Nauhak te in lamzin a tan laiah bus cu ara tlan, bus awn a theih veten a lau tuk ih a kirsal tum lamah bus in a pah.
An inn ah khua lal ava feh ih ‘Thilthleng zo a si ruangah thubuai nan thehlut asikhallen san aum cuang lo ding. Zangnadawmnak hi la uhla remawknak tuah uh’ a ti. Mithi innsang cu an lungawi lo zet” a ti.
Leave a Reply