C. Ronaldo In A Taksa Parah Tattoo A Suailonak A Rel

Tulai leitlun milar hminthang pawl cu an taksa parah tattoo phunphun an suai, an tattoo hmangin an hlawhhlinnak pawl an pholang. Ṭhenkhat cu an fale pawl ih hmin an ngan. Kum 37 mi Cristiano Ronaldo cu leitlun bawlung sit thiam hminthang a si nan a taksa parah tattoo zianghman anei lo.

Media pawlin thu an suhnak ah C. Ronaldo in, “Ka taksa parih tattoo ka suailonak a san cu thisen ka hlu lohli theinak dingah a si” a ti. 2011 kum ihsin C. Ronaldo in a thisen le a thlik a hlu ringring.

A rualpa Carlos ih fapa a damlo besia ruangah C. Ronaldo in a thlik arak hlu. Nauhak damlo pawl hrangah a thisen le a thlik a hlu ṭheu ruangah ‘Most Charitable Athlete’ laksawng an pe.

Taksa parih tattoo suai pawl cu thisen an hlu lohli thei lo, taksa parih tattoo suai pawlin thisen hlu an duh asilen siibawi in an zohdik hnuah thla 4 sung an hngak lawk a ṭul. C. Ronaldo in, “Thisen le thlik hlu hi thil harsa asilo, mi na bawm ti na theih ahcun na lungawi sawn ding” a ti.

Be the first to comment

Leave a Reply

Your email address will not be published.


*