Canada Ah Ram A Kang, Japan Ah Lei A Min

Kan dung zarh ihsin Canada ram a kang ciamco ih minung 2 an thi, ramkang ruangah Lytton khua mipi pawlin an inn le lo an suahsan ih hmun dangah an tlan.

Runsuaktu pawlkom in kangmei cu an buaipi rero lai, kangmei a suah hlan ah an ram boruak hi a hlum over tuk ih khuahlum ruangah mithi an um hnuaihni.

Cumi hnuah ruah a sur thutthi ih ṭek a tla ciamco ruangah kangmei suak si an zum. Cuti laiah Japan, Atami khawpi ah lei a min ih minung 20 an hlo. Lei a min hlan ni 3 sung cu cabang loin ruah a sur ih boruak a sia zet.

Zarhte (July 3) 10:30 hrawngah lei a min ih inn le lo tampi a nuai siat thluh, runsuaktu pawlin suahsur lakah mihlo pawl an hawl rero lai ih ṭhenkhat mihlo cu an thi ding ti an zum.

Japan ram hi tlangram a si ruangah July thla tinten boruak sia in leimin aum deuh ringring. 2020 kum July thla khalah leimin ruangah minung 10 lenglo an thi, 2018 kum leimin ah minung 200 luan an rak thi zo.

Be the first to comment

Leave a Reply

Your email address will not be published.


*