Cangai Khorh Dingin An Feh Ih Ṭek In A Tlak That

Rakhine State, Maungdaw Township, Udaung khuami pawl cu cangai khorh dingin an poksuak ih ṭek in pakhat a tlak. Ṭek tlaknak ruangah innsang nu kum 49 mi Daw Nu Sanda a thi.

July 19, 2022 zinglam nazi 7:00 hrawngah an khua kiang tiva kiangkap ah cangai khorh dingin an poksuak. A fanu le an khuami nunau ṭhenkhat thawn an poksuak ih zinglam nazi 8:00 hrawngah vanduainak an tong.

An khua lal U Maung Sang in, “Ṭek a tlak laiah ruah hi a sur tam lo. Ruah malte lawng a sur, nimthla khal a kau lo. Ṭek tla awn an thei thutthi ih kiangkap an zohawk hnuah Daw Nu Sanda cu arak let, a hmun ah a thi cih” a ti. A ruak cu siizung ah zohdiknak an nei rero lai. Daw Nu Sanda in a pasal le a fale 4 a thihsan.

Be the first to comment

Leave a Reply

Your email address will not be published.


*