Catholic Biakinn Ah Ralkap Pawl Ih Bomb A Tla Puak Ih Biakinn Sungih Relh Minung 4 An Thi

Kayah State, Loikaw khawpi kiangkap hrawngah ralkap le mipi kilhimtu pawl nasa zetin an doaw rero lai. Hmun dangdang ih um ralkap pawl an koaw khawm ih Loikaw khawpi le a kiangkap ah umhmun an khuar vivo.

Ralkap pawlin pukpi le meithal picang zetzet in an duhduhnak zawng ah an kap ciamco, Loikaw kiangkap ih um khuate pawl cu hlanral ihsin an kap ciamco ruangah mithi le hliamtuar an um. Asinan, mithi le hliamhma cazin cu an la thei hrih lo.

Tuisun May 24 khalah ralkap pawlin pukpi le meithal in khuasung mipi pawl an kap ciamco sal. Loikaw thlanglam, Thar Yar khua ih Roman Catholic church ah ralkap pawl ih bomb ava tla puak.

Vanduai thlak zetin biakinn sungih rak relh nunau 3 le mipa 1 cu a hmun ah an thi cih. Minung 8 in hliamhma an tuar, bomb puak ruangah biakinn khal a siat.

Be the first to comment

Leave a Reply

Your email address will not be published.


*