Caw In Nauhak A Khit That Ruangah An Kai

Africa, Sudan ram hi daan le dun an nei hngetkho zet. Nauhak kum 12 mi cu caw in a khit that ruangah caw cu tualsung palik pawlin an kai. Court in a thuhla a relsak dingih thiamlo a co asilen thawng an thlak ding.

Nauhak cu a hmun ah a thi cih, a ruak cu siizung ah an phur ih zohdiknak an neih hnuah an vuiliam. Kan dung thla khalah tilper lo mi tuucang in nunau kum 40 mi a khit-that ruangah tuucang cu kum 3 sung thawngtla dingin le hna harsa ṭuan dingin a thu an ṭhencat.

Palik bawi in, “Kan hnaṭuan cu mipi humhim ding a si, sualawknak aum tikah thuṭhentu ding kan si. Tuu neitu in thiamlonak zianghman anei lo, a tuucang sawn in thilsual a tuah ruangah kum 3 sung thawng a tla ding” a ti.

Tuucang neitu khal hremnak an pe, zangnadawmnak ah mithi innsang hnenah caw 5 an pekter. A tuucang khal thawnginn ihsin a suah hnuah mithi innsang in an nei ding, South Sudan nunphung le daan ah rannung in mi a that asilen rannung cu mithi innsang in an nei ding ti aum.

Be the first to comment

Leave a Reply

Your email address will not be published.


*