CDF In Thaisun Ihsin Tahan-Ṭio Motor Tlan Lo Dingin Theihternak An Suah

Tuisun March 7, 2022 ah CDF-Hualngo in ca poimawh zet an suah. Thaisun March 8, 2022 ihsin Tahan-Ṭio karlak ih tlan ṭheu motor pawl cu cawl thluh dingin an theihter. India-Myanmar ramri Ṭio-Khawmawi khua, Rihkhawdar ah ralhrang le tualsung mipi humhimtu pawl an rak kapaw ciamco zo.

Ṭio khawmawi mipi pawl cu sahimnak hawlin Mizoram ah an va tlanlut, Khawmawi khua tlawmngai pawlkom in an khua hi a ramlonak dingah mipi zaten tlan thluh lawn, innkhat ah mi pakhat in luah dingin theihternak an suah nan zohman in inn an hngak ngam lo.

Mizan ah Khawmawi khua thlen hlan ralhrang camp ah ralhrang helicopter pakhat a tum. CDF-Hualngo in Ṭio-Khawmawi kiangkap ih khua mipi pawl cu ramlak ah vaksuak lo dingin an theihter.

Ṭio-Khawmawi ih um mipi pawl khal zanlam nazi 6:00 hlanah hmunhimnak ih tlan dingin an theihter cih. Tahan le Ṭio karlak ih tlan ṭheu motor pawl khal thaisun ihsin cawl thluh dingin an theihter ih an tlan thotho ih thil poi an ton asilen ṭuanvo an lak lo ding thu an tarlang.

Be the first to comment

Leave a Reply

Your email address will not be published.


*