CDF-Mara Commando Pakhat Ram Le Miphun Hrangah A Nunnak A Liam

Ralhrang sal uknak kutsung ihsin rampi zalennak ngah dingin ralhrang pawl do rerotu CDF-Mara Commando paralṭha pakhat cu December 3 ah a nunnak a liam thu theih a si.

Ram le miphun hrangih a nunnak hlantu CDF-Mara Commando ih hmin le khuitawk hmun ah a nunnak a liam ti cu an tarlang hrih lo.

Matupi Revolution News ah, “Ka rualpi ṭha, ka naupa ram le miphun hrangih rian na ṭuan laiah Pathian hnenah in fehsan cu a sunglawi. Asinan in fehsan tuan tuk, kan zaten dothlennak ah nehnak kan lawmtlang lai ding si. Tantami innsang pawl thawn kan riahsia tuk. (A thuhla cipciar cu neta ah kan tarlang ding)” tin an tarlang.

Be the first to comment

Leave a Reply

Your email address will not be published.


*