CDF-Mindat Le Ralkap Doawknak Ah Ralkap Lam Mithi An Tam, Ralkap Pakhat An Kai

August 13, 2021 ihsin Mindat-Matupi karlak ah CDF-Mindat le ralkap pawl an kapaw ciamco ih tu’khalah an kapaw rero lai.

CNF CEC sungtel upa Salai Bawi Lian Mang in “August 17 sun ah Mindat le Matupi karlakah CDF le Kawl ralkap pawl an kapaw ih ralkap lam 20 an thi, a nung in pakhat an kai” tin a tarlang.

An meithal le an ralthuam pawl khal an laksak. “Tuiáš­um ih an kahawknak hi ni 5 sung a si zo ih ralkap lam 50 hrawng an thi, an kapaw rero lai ruangah thlacamnak in rak bawm cio hram uh” a ti.

Mindat-Matupi, khuate kiangkap ah mortar bomb thawn an kap ciamco ruangah khuasung mipi pawl cu ruahsur, thlihrang lakah ramlakah an tlanlut. Ralkap pawlin Magwe ramsung ih ralkap le ralthuam pawl an cah ciamco ruangah doawknak hi a zual deuhdeuh thei tin CDF-Mindat in thu an suah.

An kaihmi ralkap in “Yangon sakhan in lamzin kilhimtu dingah tin in ko ih hitawk hmun kan ra thleng. Hitawk kan ra thleng tik ahcun ram thianfai ding in ti. Doawknak ara thleng ih rawlei ding nei loin kan um” a ti. An kaihmi ralkap pakhat cu CDF pawlin ei le in ding an pe ih a hliamhma khal an tuamhlawm.

Be the first to comment

Leave a Reply

Your email address will not be published.


*