CDF-Mindat Miralṭha In A Rualpi Pawl A Tlanter Hnuah Amah Lawngin Ralhrang Pawl A Kap, Ralhrang Pawlin Rapthlak Zetin An That

December 26, 2021 ah Mindat ramsung Shwe Hmwe khua kiang an doawknak ah CDF-Mindat miralṭha pakhat ih nunnak liam.

Mual liamtu CDF-Mindat miralṭha cu kum 22 mi Salai Phe Hone (ဆလိုင်းဖေဟုန်း) a si, a ruak khal mipi kilhimtu pawlin an la thei zo.

Tualsung mi pakhat in, “Ralhrang burhnih in an kap, annih (CDF) cu minung 9 lawng an si. Amah lawngin ralhrang pawl cu kham in arak kap ciamco, midang 8 cu dung a sipter hnuah amah lawngin a kap. Cutin ralhrang pawlin an kai ngah, tlansuak thei lo dingin a ke pakhat an sat tan.

A hmai khatlam khal laktlak aum nawn lo, meithal tawko in an sawh ciamco a si ding. A hna khatlam khal a bul, an hrem natsat tuk ruangah a authawm cu hlaral ihsin khal an theithei” a ti.

Be the first to comment

Leave a Reply

Your email address will not be published.


*