CDF-Zotung Ralkap “Salai Kyaw La Sing” In Ram Le Miphun Hrangah A Nunnak A Pe

Chin ram, Zotung ramsung ah ralhrang le tualsung mipi kilhimtu komkhawm cu nasa zetin an kapaw ciamco. January 9 ihsin 18 tiang an kapaw.

Ni 10 an doawknak ah CDF-Zotung in Salai Kyaw La Sing in ram le miphun hrangah a nunnak a pe. Ni 10 sungah vei 11 kahawknak a thleng ih ralhrang lam in mi 18 an thi, mipi kilhimtu lamah hliamtuar 2 an um nan seherh um dinhmun an si lo.

CNA, CDF Zotung, YDF, PDF-Yaw, CDF-Hakha, CDF-Zophe, CDF- Matupi, CDF- Lautu le CDF-Senthang mipi kilhimtu pawl an tangtlang ih ralhrang pawl thawn an kapaw ciamco.

Tulai Chin ramsung hmun dangdang ah kahawknak nasa zet a thleng rero lai ruangah tualsung mipi pawl khal khualtlawng sukso hrih lo dingin theihter an si.