CDM Lut Valung Tlawng Sayama In Mual In Liamsan

May 18, 2021 ah CDM lut tlawng sayama Ngun Za Ting in mual in rak liamsan ti theih cu kan riah a sia in kan ui tuk.

Ralkap uknak hnuai ah hna a ṭuan duh nawn lo ih CDM ah a lut, hringhronak tong khalsehla miṭha lo kuthnuai ih hnaṭuan a duh nawn lo ruangah CDM a tuah.

May 18 ah a damlonak pawhte cancer in catuan ram in rak fehsan, Falam Basic Education CDM Team in June 7 ah an riahsiatnak thu an tarlang.

“Sayamah Ngun Za Ting cu Falam peng, Valung khua, High School ih sayama ṭuan a si ih CDM ah a lut. 18, 5, 2021 ah pawhte cancer in a thi ti kan thei.

Dungsip lo ih ralkap cozah dotu CDMer Sayama Ngun Za Ting in mual in liamsan cu kan riah a sia tuk. Ralkap dothlennak ih tel sayama ih innsang pawl kan lo tuarpi a si ti kan langter” tin an tarlang.

Be the first to comment

Leave a Reply

Your email address will not be published.


*