CDM Palik Cu Bomb An Test-nak Ah Cansualnak A Tong Ih A Nunnak A Liam

Ayeyarwaddy ramsung ih um PDF pakhat cu tuahcop bomb an test-nak ah a puaksuak ih April 11, 2022 ah a nunnak a liam.

Ṭuanvo neitu in, “CDM Police Defence Force (CPDF) pakhat cu bomb a test-nak ah a puak sual ih a nunnak a liam. Dothlennak ih miralṭha tin upatnak kan hlan, a cem hrih lomi ralhrang pawl donak cu a cemnet tiang kan do vivo ding.

Federal democracy rampi sersuak dingih cangvaihnak cu a cemnet tiang ral kan do vivo ding” tin a tarlang. Mual liamtu Thaw Zin Soe (kum 28) cu Pathein Township, Thinbawkyin police station ah palik rak ṭuan a si.

Ralhrang in ramsung thuneihnak an lak ruangah March 23, 2021 ah CDM a tuah ih tualsung mipi humhimtu hnenah a tlanlut. Ralhrang pawl donak khalah arak tel rero zo. Thaw Zin Soe ih ruang cu April 11 simlam ah ramlak hmun pakhat ah an vuiliam.

Be the first to comment

Leave a Reply

Your email address will not be published.


*