CDM Palik Raltlan Umnak Inn Cu Motor In A Pah Cim Ih Hliamtuar 8 An Um

June 3 zanlam nazi 5:30 hrawng ah Mizoram, Phunchawng lamzinkap ih um inn 2 cu motor tumpi ke 12 nei in a pah cim. Inn 2 ahcun innsang 4 an khuasa ih innsang 2 cu Myanmar ram buainak ruangih tlan CDM palik innsang an si.

An inn le a pahtu motor khal an liamtla thluh ih hliamtuar minung 8 an um, motor driver cu hnamdang mi a si ih tlanhlo a tum nan khuatlang hruaitu pawlin an kai man.

Hliamtuar 8 cu Aizawl Civil Hospital ah an tlanpi hngal ih Lai Christian Fellowship (LCF) Pastor hoha in an buaipi. Hliamtuar pakhat cu a bese deuh ruangah siizung ah admit cih a si ih midang 7 cu an hliamhma pawl an tuamhlawm hnuah an tlunpi sal.

An umnak inn a siat thluh ruangah Phunchawng hruaitu pawlih tawlrelnak in tlawnginn ah an umter sung. Khua a thim zo ruangah an inncim bungrua pawl cu thaizing June 4 lamah an buaipi sal ding.

Lai Christian Fellowship hruaitu pakhat in “Siizung ih an admit mi cu CDM ih lut police officer a si. A hngawng le a awm ah hliam a tuar, midang 4 khal siizung ih riah ṭul dinhmun an si nan tulai Covid-19 ruangah an tlung sal. Lu kuai, kut ke hliamtuar an si, CDM palik ih fapa thla 1 mi ih lu a kuai. An zaten tlawnginn ah an um” a ti.

Be the first to comment

Leave a Reply

Your email address will not be published.


*