CDM Saya Cu Bike Thawn Khualak Ah Thil A Zuar Ih Motor In A Pah That

Kyaukpadaung khua ih um tlawng saya Aung Naing Htay cu ralhrang in ramsung thuneihnak an lak ruangah CDM a tuah, ralhrang kuthnuai ah a cangvai duh lo.

A innsang pawl cawm a ṭul ruangah bike thawn thil a zuar ṭheu. June 15, 2022 sun ah khualak ah bike thawn thil a zuar ih Saw Taung lamzin pialnak ah motor in a pah ih a hmun ah a thi cih.

An sungkhat in, “Kum 30 mi Aung Naing Htay cu innsang cawmtu a si, bike thawn khualak ah thil a a zuar. Saya fim zet a si ih a taima tuk. Ramsung buainak ah an pekawknak hi a tam tuk” a ti.

Ralhrang in ramsung thuneihnak an lak ruangah cozah hnaṭuan tam zet cu CDM an tuah, kumkhat lenglo a si zo ih CDM tuahtu pawl cu nunkhuasuahnak dingah an hmuhhmuh hna an ṭuan ṭheu.

Thudang: Myitkyina Ah Fala A Awkaw That
Kachin State, Myitkyina khua, Rampu vengsung ih um fala kum 20 mi cu June 16 zan ah an innsung ah a awkaw that. Mibawmtu pawlkom in, “A hngawng ah meisa hri (Wiring) in a awkaw that. Ziangruangah a thataw ti cu kan thei hrih lo” a ti.

Mah le mah thataw tu fala cu sungkhat inn ih um a si. An umnak vengsung ih mipi pawl hi an harsa zet. Nikhat ṭuan ih nikhat ei pawl an si. Ramsung a buai hnuah nuntu khuasakdan khal a harsa ih thinharnak ruangah mah le mah thataw an um.

Be the first to comment

Leave a Reply

Your email address will not be published.


*