CDM Tuah Duh Lo Ih Zung Kai Pawl Cu Ralkap In Sumpai An Dil

NLD cozah laiah cozah hnaṭuan pawl cu thla 2 hlawh an rak pecia, 2020 October thla ah NLD cozah in Covid-19 lakih kilhim awknak dingah tin cozah hnaṭuan pawl cu a thang um loin thla 2 hlawh an rak pecia.

Cumi thla 2 hlawh cu an puk vek a si ih muang teten peaw dingin an relcat. Asinan, ralkap pawlin thuneihnak an lak hnu ihsin cumi thla 2 hlawh cu an dilsal.

Non-CDM pakhat in “Leiba cu in dilsal ruangah pek ding a si ko. Asinan tulai boruak ah zocio khal kan harsa thluh, veikhat ah a zaten cun zohman in an pe thluh thei lo ding” a ti.

Ralkap in sumpai cu thlakhat ah veikhat pe tengteng dingin September 1 ah theihternak an suah. Ralkap in thuneihnak an lak hnuah CDM tuahtu pawl hnen khalah himi thla 2 hlawh sumpai cu thahrum thawn an rak dil rero zo.

May 25 ah NUG cozah in thla 2 hlawh man an lakcia mi pawl cu peksal a ṭul nawn lo, laksawng ah kan lo pe tin an rak phuang zo.

Be the first to comment

Leave a Reply

Your email address will not be published.


*