CDM Tuah Nurse A Awkaw That, “Harsatnak Thawn Ka Hnin Bum Caan A Sau” A Ti

Ralhrang in Myanmar ramsung thuneihnak an lak ruangah an kuthnuai ih hnaṭuan duh nawn lo CDM tuah nurse Ma Yu Yu Wai cu hridai in a awkaw that. February 28, 2022 ah Mandalay, nunau umnak dormitory sungah thlaiaw that in an hmu ih a ruak cu mibawmtu pawlkom in siizung ah an phur.

Ziangruangah a thataw ti cu an theifiang hrih lo ih an zingzoi rero lai. A thatawk hlanah online parah, “Ka lungawi thei nawn lo, harsatnak thawn ka hnih bum caan a sau zo” tin arak tarlang. Ralhrang uknak duhlo ruangah cozah hnaṭuan tampi cu CDM an tuah, hnaṭuan nei loin kumkhat lenglo an um zo ih innsang ah harsatnak phunphun an tong.

Mandalay, Tharsi khua ih um tlangval kum 20 mi Ko Win Htike Kyaw khal innsang cawmtu a si. CDM a tuah hnuah Shan State, Tachileik khua ah ava feh ih innsak hna a ṭuan, an hnaṭuannak hmun ah cansualnak a tong ih inn partabik ihsin a tla that.

An sungkhat in, “Ramsung a buai ruangah CDM a tuah. Cumi hnuah a umum hna a ṭuan, a hmuhhmuh hna a ṭuan. February 21 zinglam nazi 10:00 hrawngah inn par ihsin a tla that” a ti. Lainat um zet tlawng saya cu CDM a tuah hnuah an innsang a cawm ṭul vekin hmun dang ah hnaṭuan in aum.

Tualsung mi pakhat in, “A thuhla ka thei cu ka zum thei lo, amah si lo hram seh tin thlaza ka cam rero. Inn ihsin a hlatnak hmun ah thihlohnak ava tong cu a poi tuk” a ti. Saya Ko Win Htike Kyaw ih ruak cu an khua ah an tlunpi thei lo ih a hnaṭuannak Tachileik ah an vuiliam.

Be the first to comment

Leave a Reply

Your email address will not be published.


*