CDM Tuah Palik 2 An Kai Ih An Vel Ciamco

June 26 sunah CDM tuah palik 2 cu ralkap pawlin an kai ih an vel ciamco thu theih a si.

Magway Region, Pakokku District, Pauk khua ih Police Officer Zaw Moe Naing (279611) le Minywa khua ih palik Naing Naing Toe cu March thla ihsin CDM an tuah ih hmun dangah an tlan.

Ralkap kuthnuai ah hna an ṭuan duh nawn lo ih an tlan, Gangaw-Kalay kiangkap ah an relh. June 26 sunah khua an va tlung lawk ih lamzin ah ralkap pawlin an rak kai.

Mithmutu in “Khua ah an ra tlung lawk ih lamzin ah an rak kai. An vua ciamco ih hmun dangah an hruai” a ti. Naing Naing Toe ih nu in a fapa thawn an pehtlaihaw thei lo laiah an kai ti thuhla a thei bet ruangah a thinhar thu a rel.

Be the first to comment

Leave a Reply

Your email address will not be published.


*