CDM Tuah Police Bawi Cu A Relhnak Hmun Ah Damlo In A Thi

Pyin Oo Lwin ih police bawi Tin Maung Tun cu ralkap cozah duh loin CDM a tuah ih a nupi fanau pawl tanta in hmun dangah a tlan.

March 7, 2021 ihsin CDM a tuah ih ralkap in kaih an tum ruangah hmun dangah a tlan, Mandalay ramsung hmun pakhat ah a relh.

A relhnak hmun ah a damlo bese ruangah siikhan ah an fehpi ih an tuamhlawm, asinan ṭhalam a pan thei cuang lo ih August 12 ah a thi.

Tualsung mi pakhat in “CDM a tuah hnuah hmun dangah a tlan ih a relhnak hmun ah a thi. A thih tiang CDM a tuah lai, Pyin Oo Lwin ah CDM tuah ih mual liamtu pasalṭha tin upatnak kan pe” a ti.

Pyin Oo Lwin ramsung ah CDM tuah police 16 an um ih 2 cu an hna an ṭuansal, ralkap pawlin CDM tuah police 2 an kai. Pyin Oo Lwin ah CDM tuah tlawng saya U Aung Min Naing khal March 17 sun ah ralkap pawlin an kap that.

Be the first to comment

Leave a Reply

Your email address will not be published.


*