CDM Tuah Ralbawi Ih Pa A Thi, A Pai Ruak Kiangah Aum Thei Lo Ruangah A Riahsia Tuk

Min Aung Hlaing in Myanmar ramsung thuneihnak a lak hnu ihsin cozah hnaṭuan tam zet cu CDM an tuah ih sahimnak hawlin hmun dangah an tlan.

Ngwe Min Htun khal ralkap sibawi pawl hotu a si, CDM a tuah ih ralkap pawlin kaih an tum ruangah hmunhimnak ah a tlan.

Cutin ramlak ih aum laiah hringtu a pa cu tulai nat in mual a liam nan a ruak kiangah aum thei lo ruangah a riahsia tuk. Ngwe Min Htun in “Kum 16 sung ralkap ka rak ṭuan zo nan ka innsang hrangah ṭhahnemnak zianghman ka nei lo ruangah ka riahsia.

Ramlak ih ka um laiah inn lam khal ka phone ngam lo, an himnak hrangah tin ka phone ngam lo. Ka pa a damlo tik khalah ka zirsuahmi thiamthil in ka tuamhlawm thei lo cu poi ka ti tuk. Ka pa, ṭuanvo ka hlensuak lo ruangah in ngaithiam aw” a ti.

Be the first to comment

Leave a Reply

Your email address will not be published.


*