CDM Tuah Sayama Cu Inn Ah A Tlung Duak Ih An Rak Kai & Palik CDM Tuah Cu A Nupi Damlo Ruangah Ava Tlung Ih An Kai

Tanintharyi, Myeik khua ih um CDM tuah tlawng sayama Daw Yu Yu Lwin cu an inn ah ava tlung duak ih dalan ih heknak ruangah ralhrang pawlin an rak kai. A hlanah Myeik No. (2) ih primary school tlawng sayama a si. July 2 ah an inn ah ava tlung duak ih ralhrang pawlin an inn ah an va kai.

Tualsung mi pakhat in, “Ralhrang in thuneihnak an lak veten CDM a tuah ih hmun dangah a tlan. Inn ah reilote sung ara tlung duak ih vengsung ih um dalan in ralhrang hnenah arak sim thei. July 2 zanlam ah an kai, khuitawk hmun ah an hruai ti khal kan thei hrih lo” a ti.

Palik CDM Tuah Cu A Nupi Damlo Ruangah Ava Tlung Duak Ih An Rak Kai
Sagaing, Shwebo peng, Kaw khua ih um palik CDM tuah U Thein Tan cu a nupi damlo ruangah an inn ah ava tlung duak, vengsung ih um dalan in palik pawl a phone ih July 3 zan ah an va kai.

Khuami pakhat in, “Ralhrang in ramsung thuneihnak an lak ihsin ralhrang kuthnuai ah hna a áš­uan duh nawn lo ih CDM a tuah. Hmundang ah a tlan, a nupi damlo ruangah ara tlung duak ih dalan ruangah an kai. An kaih laiah an vuak ciamco ih an hruaisuak, palik le ralkap pawlin an kai” a ti.

U Thein Tan cu ralhrang sakhan ah an hruai ih thu an sut rero lai, himi zan thotho ah an vengsung ih um mino 7 khal ralhrang pawlin an kai.

Be the first to comment

Leave a Reply

Your email address will not be published.


*