CDM Tuah Sibawi Le Nurse Cu Nasa Zetin An Hrem That

September 25, 2021 zantim laiah ralkap pawl cu Yangon, Sanchaung, Mye Ni Gone lilawn kiangih innkhan sungah an va lut ih a sungih um mi 4 an kai. Zan nazi 1:30 hrawngah a si, innkhan ihsin an dirsuak ih lamzin ah an kap ih an hrem that thluh.

Cumi lakah CDM tuah sibawi Dr. Zin Lin le Yangon siizungpi ih nurse tuan Khin Khin Kywe an tel. An kaihmi 4 pawl cu ralkap dodalnak lamzin phunphun ah an tel, an umnak innkhan ihsin an dirsuak ih lamzin ah thi lo dingin an kap. Thisen lakah an it ih an hnuk a cat hlanlo an sit, an vuak ciamco hnuah an hliamhma pawl tuar nawn loin lamzin ah an thi thluh.

Dr. Zin Lin in fanu thlakhat ih upa a thihsan, Myanmar ramsung ah Covid-19 thlisia a hrang ciamco laiah Dr. Zin Lin le nurse Khin Khin Kywe cu tlawmngai in mipi damlo pawl an rak tuamhlawm rero.

Ralkap pawlin mi 4 an hrem that hnuah hitin thu an suah, “Nunau 1 le mipa 3 in ralkap pawl in rak kap ciamco ruangah kaphnih kahawknak a suak. Ralkap lam mi 3 an thi ih hliamtuar khal an tam zet, ralkap pawl rak kaptu mi 4 khal a hmun ah an thi ve” tin thudik loin an tarlang.

Hitin an hrem that lai cu kiangkap building ihsin an rak zuk thup ih Khit Thit Media ah an tarlang, an kaihmi 4 in ralkap pawl an kap lo. Ralkap 3 an thi ih hliamtuar khal an tam zet tin an tarlang mi khal thudik lo a si.

An hrem that lai video cu online sungah a darh ciamco ruangah September 27 sun ah kiangkap building cu ralkap pawlin an va kulh thluh. Video cu zoh phah ih an rak zuknak room cu an hawl vivo, room khat hnu room khat ah an lut ih video an zoh hnuah video rak zuktu ih an rinhlelmi pawl cu thusut dingin an hruaisuak.

Be the first to comment

Leave a Reply

Your email address will not be published.


*