CDM Tuah Tlawng Saya Cu PDF Ah A Lut Ih Ralhrang Pawl Thawn An Doawknak Ah A Nunnak A Liam

Tlawng saya Ko Mya Win cu ralhrang kuthnuai ah hnaṭuan duh loin CDM a tuah hnuah mipi kilhim dingin Depayin-PDF ah a lut.

December 3, 2021 sun ah ralhrang pawl thawn an kapaw ciamco, mipi kilhimtu pawlin hmai an nor ih Ko Mya Win in dunglam tlar ihsin mipi kilhimtu pawl cu arak kil ih ralhrang pawl cu a kap. Cutin an doawknak ah ralhrang pawlin Ko Mya Win cu an kap ngah ih a nunnak a liam.

Depayin-PDF in, “CDM a tuah lawng duhtawk loin meithal kengin ralhrang pawl donak ah a tel ruangah Ko Mya Win cu dothlennak ah a ṭuanvo a hlensuak hleice” tin cawimawi upatnak an hlan.

November 27 ihsin Depayin ramsung ih mipi kilhimtu pawl nuai dingin ralhrang 400 hrawng an poksuak, helicoter khalin an kap. Depayin ramsung ih um mipi kilhimtu pawl khal an komaw khawm ih an doaw rero lai.

Be the first to comment

Leave a Reply

Your email address will not be published.


*