Bago Region, UThit Pin Township, Pyi Taw Thar veng sungih um CDM tuah tlawng sayama cu ralhrang pawlin an kai ih a fapa kumkhat le hrek mi khal an hruaitel thu kiangkap um mipi pawlin an rel.
Kum 25 mi tlawng sayama Daw Yu Yu Aung cu CDM a tuah hnu ihsin online parah nga-ro, kaikuang-ro pawl a zuar ṭheu ih ei le in a hawl.
November 11, 2021 zan nazi 12:00 hrawngah ralhrang pawlin an inn ah an va lutchilh ih an kai, an sungkhat pawl khalin an pehtlaih thei hrih lo. Daw Yu Yu Aung an kaihnak san cu a pasal hi PDF pawl hnenah doawk dan a zir rero lai tin thubuai an orhter.
An vengsung um mi pakhat in, “A pasal hi Facebook parih a thiltar mi pawl ruangah a nupi an ra kai ti kan thei, thungai cun a pasal hi inn a suahsannak a rei tuk zo” a ti.
Leave a Reply