CDM Tuah Tlawng Sayama Cu Khua Sungah Thil Zuar In A Vakkual

Ralkap in Myanmar ramsung thuneihnak an lak hnu ihsin an kuthnuai ih hnaṭuan, cozah hnaṭuan pawl cu CDM an tuah. Tlawng saya/sayama le sibawi, nurse, zunglam ih hnaṭuantu pawl khal ralkap kuthnuai ah hna an ṭuan duh nawn lo ruangah CDM an tuah.

Ralkap pawlin ṭhenkhat CDM tuahtu cu an kai ih an hrem that, ṭhenkhat cu sahimnak hawlin hmun dangah an tlan ih an relh. Ṭhenkhat asilen an hnaṭuannak ihsin an ban lawlaw ih an aiawh ah midang an la.

Cutin hnaṭuannak an nei nawn lo ruangah innsang cawmtu an si vekin a umum hna an ṭuan. Misual kuthnuai ih hnaṭuan aicun nuam an ti sawn ih an nun khal a hahdam sawn.

Tlawng sayama pakhat khal CDM a tuah ih, a innsang pawl cawm an ṭul ruangah an khuasung ah pe zuar in a vakkual ṭheu.

A hmin le an khua hmin cu an tarlang lo, khuasung mi mino pakhat in “Himi hi kan sayama a si, sayama ka lo suang tuk ih upatnak ka lo pe. Sayama le CDM tuahtu zaten upatnak ka lo pe ih tuiṭum dothlennak ah nehnak kan co ding” tin a tarlang.

Be the first to comment

Leave a Reply

Your email address will not be published.


*