Cet Zung Ah Bomb A Puak, Hliamtuar Pawl Ava Runnak Ah An Rak Kai Ih An That

July 1, 2021 ah Monywa khawpi ih cet zung pakhat ah bomb a puak, kiangkap um pawlin hliamtuar pawl cu an run ih an tuamhlawm.

Kum 28 mi Ko Nge Lay in hliamtuar pawl a tuamhlawm ve ih Ambulance khal a kosak, hliamtuar pawl cu Ambulance sungah an ret. Cutik laiah ralkap pawl an va thleng ih Ko Nge Lay cu rinhlel thu in an kai.

Tualsung mi pakhat in “Sun nazi 12:00 hrawngah an kai ih zanlam nazi 3:00 ah a ruang ra la uh an ti. Hringtu a nu khalin a ruang cu a theithei nawn lo” a ti.

A nupi ih hmeitheih pakhat in “Ralkap pawlin thu an sut ih a sim duh lo ruangah an that a si ding. Kan upa cu a lungruh ve ih midang an tuar ding aiin zianghman relsuak loin ka thi sawn ding a ti ṭheu” a ti.

Cet zung puak ruangah minung 20 lenglo an kai zo, mithi umnak vengsung ih mipi ṭhenkhat cu ralkap pawl an ṭih ruangah hmun dangah an tlan.

Be the first to comment

Leave a Reply

Your email address will not be published.


*