China Vanzam Tla Puak Ah Shan Fala 4 An Tel

Mach 21, 2022 sun ah China vanzam China Eastern Airlines cu Guanghzou khawpi lam pan in a zam rero laiah cansualnak a tong ih tlang lakah a tla puak.

Vanzam sungah minung 132 an to ih an thi thluh ding ti an zum, vanzam ticket leitu cu 133 zat an si nan pakhat cu thuhla a phunphun ruangah vanzam a tosal lo. Himi vanzam sungah Myanmar mi, Shan fala 4 an telve thu theih a si.

China-Myanmar ramri ih Ruili khua ih um an si. Tualsung mi pakhat in, “Mino 4 cu hmun dangah hnaṭuan dingin an feh. Ruili ahcun Covid-19 natnei an um ruangah an lockdown leuhleuh ih hnaṭuan a theih lo, tualsung mino pawl cu hmun dangah hnaṭuan dingin an poksuak thluh” a ti. Shan fala 4 ih thuhla cipciar cu an tarlang hrih lo.

Vanzam sungih um Black box pakhat an hmu nan a siat, an cansualnak san thei dingin Black box pakhat sawntu an hawl rero lai. Ruah a sur nasa tuk ruangah runsuaktu pawl khal duh vekin an cangvai thei lo.

Be the first to comment

Leave a Reply

Your email address will not be published.


*