Chin Hnenum Hrem Thattu Singapore Nu In ‘A Innsang Pawlin In Ngaithiam Zo’ Tin Thuhla Thar A Thehlut Nan Court In A Cohlang Lo

Chin fala kum 24 mi Piang Ngaih Don cu a hnaṭuannak Singapore ram ah a pi tei innsang in an hremnak hliamhma ruangah July 26, 2016 ah a nunnak a liam. A pi tei innsang in a hnaṭuan a muang tuk, a fello tin thla 14 sung harsa zetin an hrem.

Ti le rawl khal an pe thiṭha lo ih zan ah hridai thawn an tawnbet, hnawmbawm ta rawlei a tum ruangah an vuakvel. A thih tik ahcun 24kg lawng in a rit ih an hremnak ruangah 15kg in a tlaniam. A pi kum 42 mi Gaiyathiri Murugayan cu nikum 2021 July thla ah kum 30 sung thawngtla dingin a thu an ṭhencat ih a pasal le a nu khal hnenum hrem thubuai an orhter ve.

May 4, 2022 ah Gaiyathiri Murugayan in ‘kan hnenum ih innsang pawlin WhatApp fehtlangin in ngaithiam zo tin thuthar a thehlut, culawng siloin thluak lam buainak nei a si thu khal siibawi cahnah thawn a thehlut ih thawnginn sung khalah hmuhsuamnak a ton thu pawl a ngan nan court in a cohlang lo, a siar khal a siarsak lo ih ‘na thuthar le na thubuai hi pehtlaih awknak anei lo’ an ti.

Himi tualthat thubuai cu Singapore ram ih tualthat thubuai rapthlak bik an timi a si. Court in a thuthar thehlut mi cu an cohlang lo nan thawnginn sungih hmuhsuam a ton thuhla cu zingzoinak an neihsak tum.

Be the first to comment

Leave a Reply

Your email address will not be published.


*