Chin Idol Zuamawknak Aum Ding

USA, Battlecreek, Michigan ah a vei 18-nak Chin Kum Thar puai ah Chin Idol Zuamawknak an tuah tum. Hmin pek a theih rero lai ih August 20 ah an khar ding. An zuamawk ding ni le thla cu September 3-5 ah a si, a pakhatnak laksawng cu $2000, pahnihnak $1500. pathumnak $1000 a si.

Chin Idol Registration Form ih theih ṭulmi: (1) Battlecreek, Michigan a vei 18nak Chin Kum Thar puai ah Stage tlun in hlasak zuamawknak nei ding a si. (2) Soundtrack (harmony um lomi) lawng hman theih a si ding.

(3) Mirang hla leh Falam hla lawng sak theih a si ding. A dang ṭong cu cohlang a si lo ding. (4) Hla thar a si fekfek ṭul lo ding.

(5)Register tu minung 10 hnakih a tam a si ahcun online in zuamawknak aum dingih top 10 hril a si ding. Himi ṭum ah English hla hman a ngah.

(6) Laipuai zaan khatnak ih zuamawknak ah top 10 pawl in top 3 an cuh awk ding. Himi zaan ah English hla in zuam theih a si ding.

(7) Laipuai zaan hnihnak ih zuamawknak ah top 3 pawl in pakhatnak an cuh awk ding. Himi zaan (top 3 hrang) ahcun Lai hla (Falam) te lawng in zuam theih a si ding.

A tlun ih nganmi pawl na lungkim ih na thlun thei ding a si ahcun a tanglam ah na information pawl rak ngan hram. Salai DanielCNThang in a lo contact sal leh ding. (Information ngannak Link hmet’aw)

Be the first to comment

Leave a Reply

Your email address will not be published.


*