Chin Mino 4 Cu An Facebook Profile Ah NUG An Tar Ruangah An Kai

Chinram, Matupi Township, Chanpyan khua ih um mino 4 cu August 20 le 22 sun ah ralkap pawlin an kai, an kaihnak a san cu an facebook profile ah NUG fram an hmang ruangah an ti.

Tualsung mi pakhat in “Ni 24 sun ah thubuai an orhter, an facebook profile ah NUG kan duh timi an hmang ruangah thubuai an orhter ti kan thei. Tulai cu mino zaten deuh thaw in himi profile hi an hmang ko” a ti.

Mindat check-point, Phanaing le Matupi check-gate pawl ah an phone an rak zohsak ih an kai hnuah pukmah 52 in taza an cuai. An kaihmi pawl cu Salai Di Zin Thang, Salai Thae Tui, Salai Thawng Ping le Salai San Thein pawl an si.

Mai Lay Lay Win khal an kai lawk nan August 20 zanlam nazi 6:00 ah an suahsal. August 9 ihsin NUG kan duh, Ralkap cozah kan duh lo (Accept NUG-Reject Military) timi facebook profile cu an hmang thok ih August 15 ahcun minung ting 30 le ting 40 karlak in an hmang tin (General Strike Coordination Body-GSCB) in an phuang.

August 11 sun ah ralkap in Accept NUG-Reject Military facebook profile hmangtu pawl ih hmin cazin an lak ding thu an phuang. Matupi ramsung ah ralkap cozah dodaltu le CDM cangvaihnak ih teltu tin an rinhlelmi minung 10 an rak kai zo ih tuiáš­um ih an kaihmi pawl thawn minung 14 an kai ih tuitiang an suah hrih lo.

Be the first to comment

Leave a Reply

Your email address will not be published.


*