Chin Mino 4 Cu India Sim Card An Nei Tin An Kai

July 9 sunah Chin mino 4 in India Sim Card an kol tin ralkap pawlin an kai. Chin Kuki miphun an si ih, Sagaing, Tamu, Kyun Pin Thar khuami an si.

Tamu palik sakhan ah an khum, an innsang pawlin va tong an tum nan an rak siang lo. Tamu ramsung ah ralkap pawl an hrang zet.

July 10 zarhte zan khalah Chin Kuki miphun rawlthar 2 an kap that ih an rualpi 3 cu hliamhma thawn an kai. An kaihmi 3 khal tutiang an suah hrih lo ti a si.

Rawlthar minung 6 cu lo hnaṭuan ringring an si ih July 10 zarhte ni cu hnaṭuan cawl in Kyun Pin Thar khua ah an va leng.

Zan nazi 10:00 hrawngah an tlung ih lilawn kiang an thleng zawngah ralkap pawlin an rak kap ciamco hngal. Pahnih cu a hmun ah an thi cih, pathum cu hliamhma na zet an tuar ih ralkap pawlin an kai. Pakhat cu himdamten a tlansuak thei.

Be the first to comment

Leave a Reply

Your email address will not be published.


*