Chin Mipi Kilhimtu “Ralkap Pawl Chin Ram An Ra Kaiso Asilen An Tlunnak Ding Lamzin Aum Nawn Lo” A Ti, Ralkap Motor 9 An Kap Siat Bet

Chin mipi kilhimtu CNA, CNDF, CDF pawlin mizan October 17, 2021 ah Falam peng Taal khuapawn ih um ralkap pawl an kap ciamco sal. Ralkap motor 9 an kap siat, October 14 ah ralkap motor 7 an rak kap siat zo ih zate kom cun ralkap motor 16 an siatsuah zo.

October 13 zing ah ralkap motor 60 le tank pawl cu Hakha lamah an feh tum, Falam-Hakha lamzin ah Chin mipi kilhimtu pawlin an rak hrentang ih hmailam pan thei lo leh dunglam kirsal thei loin an tuah.

Tu’khalah an tang ringring lai ih Chin mipi kilhimtu pawlin an kap phahphah. CNDF thuphuangtu in “Mizan ah Taal khua kiangah ralkap motor 9 kan siatsuah. Hliamtuar le mithi cazin cu kan thei hrih lo.

Tuizing ah Falam ihsin pukpi veihnih an rung kap. Doawknak vanzam awn khal kan thei” a ti. CNF upa pakhat in “Ralkap pawl Chin ram ah an ra kaiso asilen an tlunnak ding lamzin aum nawn lo” a ti.

Be the first to comment

Leave a Reply

Your email address will not be published.


*