Chin Nauhak In Ralkap Bomb Kammi A Pal Ngah

June 24 sunah Mindat nauhak kum 13 mi Salai Shae Om in ralkap pawl ih kammi bomb a pal ngah ih a hmun ah a thih thu theih a si.

A nulepa thawn leilet ah an va feh ih bomb cu a pal ngah, midang cu hliam an tuar lo. Ralkap le Mindat mipi kilhimtu pawl an rak doawk laiah ralkap in bomb an rak kam ciamco.

June 19 sunah Mindat mipi kilhimtu le ralkap pawl cu kahcawlhnak an tuah ih ni 14 sung kapaw hrih lo dingin hmin an khen, cumi sungah ralkap pawlin an kammi bomb pawl lasal thluh dingin le an bomb kamnak hmun cu mipi hnenah sim thei dingin an relcat nan an sim thluh lo ti a si.

An doawk laiah Mindat khuasung mipi pawl cu sahimnak hawlin ramlak ah an tlan, mipi kilhimtu le ralkap pawl kahcawlhnak an neih ruangah raltlan 30% percent cu khua sungah an kirsal.

Be the first to comment

Leave a Reply

Your email address will not be published.


*