Chin Nupa Cu China Ihsin An Tlunlam Ah An Puaisa In A Tlansan Ih Lamlak Ah An Pa A Thi

Tamu khuami Chin nupa tuakkhat cu China ram ihsin an tlunlam ah an puaisa in an hmatpung tin pawl thawn a tlansan. Lamlak ah an tang ih China ram, Mansi khua kiang lamzin kap thlamte sungah an khuasa.

Tlunnak ding sumpai le hmatpung tin an nei nawn lo ih thla 2 sung hrawng thlamte ih an um hnu August 31 zinglam nazi 3:00 (China nazi) ah an pa kum 25 mi Thang Thit Lin cu cuap damlonak in a thi.

A nupi Wa Nel Thit Lin in China ram ih um Ta’ang Youth Charity mino pawlkom hnenah bawmnak ava dil ih amai siannak vekin Mansi khua ih umbawmtu pawlkom in an pai ruak cu an urkang.

Mibawmtu pawlin Wa Nel Thit Lin ih tlunnak ding hrangah China sumpai 500 yuan an pe. Ta’ang Youth Charity į¹­uanvo neitu in “China ram ihsin an tlun lamah Myanmar puaisa in an hmatpung tin pawl a laksak ih lamzin ah a tlansan.

Minung 6 an si ih lamzin kap thlamte ah an um, mual liamtu hi cuap natnak in a damlo ruangah an nupa lawngin an run tang” a ti.

Be the first to comment

Leave a Reply

Your email address will not be published.


*