Chin Nuralṭha, “Kan Inn Ka Ngai Tuk, Asinan Tu’ahcun Tlunnak Ding Inn Ka Nei Nawn Lo” >>>

Kalaymyo kiangkap ah ralhrang le mipi kilhimtu pawl an doaw ih ralhrang 2 an thi, ralhrang pawlin kiangkap khua inn pawl an urkang vivo ih Chin nuralṭha tei inn khal an urkang.

Chin nuralṭha in, “Kan inn ka ngai tuk, asinan tu’ahcun tlunnak ding inn ka nei nawn lo. Nurse uniform ka hruh cak tuk thlang, asinan ka hruh lo asikhallen hitin men in ka thinlung cu dung ka sip zik lo. Mipi hrangah ka damsung, dothlennak a cem hlan tiang Pathian thawn ka do vivo ding” tin a Facebook cahmai ah a tarlang.

December 21, 2021 ah, “Minung kut ih sak mi inn cu minung lala in a siatsuah thei. Asinan Pathian sak mi inn neitu kan si i Bawipa zarah kan hna a ngam.

Thil ziangkim hi Pathian khawkhan lairel dan a si ruangah Amah Pathian lala in kan hmalam caan ah cat lo bang loin in kilkhawi thotho ding. Kan do mi cu kan neh ding, kan neh hlan lo kan do ding, kan neh tengteng ding” tin innkang mi zuk thawn a tarlang.

Be the first to comment

Leave a Reply

Your email address will not be published.


*