Chin Palik In Palik Bawi A Kap That, Vei 20 Hrawng A Kap

Sagaing-Monywa lamzin, No. 16 palik sakhan ah Chin palik ṭuanlai pakhat in an hotu a kap that. May 24 zinglam nazi 7:00 an duty thok ah ṭongkam an elaw ciamco, cutin sun nazi 1:00 hrawngah an el’aw ciamco sal ih thihnak a thleng.

Palik ih hmin le khua cu an tarlang hrih lo nan Chinmi a si ti a si, a kahthatmi cu Lt. Col. Zaw Khin a si. Hmin tarlang duh lo palik pakhat in “An buainak bik cu ramkhel thuhla ah an hmuhdan a bangaw lo, pulbak huatawknak khal a tel.

An huatawknak hi a rei zet zo ih an pehtlaih awknak dan cu tuar theih lo ding khopin a sia, Lt. Col. Zaw Khin kap thattu palik cu Chinram ih piang a si ih Chin miphun a si. Meithal in vei 20 hrawng a kap ih a thi.

Awlsamten an kai zo ih ziangvek hremnak an pe ding ti cu theih a si hrih lo” a ti. Lt. Col. Zaw Khin ih ruang cu Sagaing siizung ah zohdiknak an nei hnuah an khua HlaTaw Sangpi ah an kuat zo.

Be the first to comment

Leave a Reply

Your email address will not be published.


*