Chin Paralṭha / Nuralṭha Pawl Ih Rian Mi Mipi Hnenih Thusutnak ???

“Dothlennak ah a tel mi nan fale nan unau le nan rual lepawl hi aa tuk le tuah ding nei lo ruangih tel zohman an um lo. Nangmah le na fale, na innsungsang hmailam hrang ruat ih nunnak thap in na tuah ngam lo mi sawm sokhaw an tuah.

Ramdang a feh mi sungkhat unau thianrual pawl zalen tak ih suahsemnak Lairam an ruuninn pi ih an ra tlunsal theinak dingah sokhaw. Kutdawh tla an si lo nan, nannih inn ah voksa hmeh hlei nan hlonlai caan ah annih tairek in rilrawng ih an um caan a um sokhaw.

Puan hlum sin in inn sungah meipung nan ai caan ah ramlak ah zaan sinpuan hman neilo meisa ai ding nei loin khabe thia rero cingin sokhaw zaan caan an hmang ṭheu. Nu’i duh lo pa’i huat tla an si lo. Annih tla an ruunpi in a ngai ve tuk sokhaw.

An nulepa, ulenau nih tla an ngai ve tuk sokhaw. Hmeh thaw an ei caan ah ramlak ih ka fanu, ka fapa teh ziang a ei ve pei? tin an nulepa mitthli thawm sokhaw an fale a ngai ṭheu. Nulepa ih ṭhen siang lo fanu fapa duat sokhaw an si ve.

Nan annih cun kan khua te kan hum thei lo pang ding, kan mipi pawl kan hum thei lo pang ding ti sokhaw an phang. An thi ding hi an ṭih hrimhrim lo. Nang na inn sungah 🎶🎵Happy Birthday to you 🎼🎉 na ti rero laiah na unaupa cu nulepa ulenau ankaa tong ta loin zinkhap ah ruak hman hlumtu nei loin sokhaw a nunnak khua le ram hmang ah a hlan.

Annih cun “kannih cu mipi pek mi ti le rawl ei mi kan si ruangah kan nunnak pek in thih tiang rinumten kan rian ding” tin thuanthu mawi te ngan phahin thutiamnak an nei. Unau nulepa nang teh na Chin Paralṭha Nuralṭha pawl ih rian mi MIPI ah na tel ve maw? Maw……. Nang teh na thuanthu ziangtin si na ngan ve?” (#Mai Helen)

Be the first to comment

Leave a Reply

Your email address will not be published.


*