Chin Pasalṭha Sniper In An Kap That, CDM Lut Police A Si Ih Ralkap Pawl Do Rero Tu A Si

Chin State, Mindat ramsung doawknak cu a sosang deuhdeuh. Chin-Magway ramri ah ralkap tam zetin umhmun an khuar.

June 4, 2021 zingpit ah Mindat mipi kilhimtu le ralkap pawl an kapaw ciamco ih mipi kilhimtu Salai Chaew Ling (ချွဲလိန်း) an kap that.

Mindat mipi hruaitu upa pakhat in, “CDM a lut hnuah Mindat mipi kilhimtu pawl thawn ralkap pawl an dotlang. Raldonak khalah hruaitu pakhat a si” a ti. Sniper in an kap ngah ih a hmun ah a thi cih, a ruang lak a harsa ruangah sun hnu tiang khalah an la thei hrih lo.

Ralkap pawl cu an pungkhawm aw vivo ih pukpi le ralthuam tum pipi in Mindat mipi kilhimtu pawl cu an kap ciamco. Tuizing an doawknak ah mipi kilhimtu pakhat a thi ih hliamtuar pakhat aum, ralkap lam thi le hliamtuar thuhla cu an tarlang hrih lo.

Be the first to comment

Leave a Reply

Your email address will not be published.


*