Chin Pastor Cu A Phone Sungih Zuk Ruangah An Kai, A Nunnak Seherh Um

Bago Division, Pyay-Thayarwaddy ah Asho Chin pastor Salai Ellone Wai cu ralhrang pawlin an kai ih a nunnak hrang seherh um thu a innsang pawlin media hnenah an sim thei.

An sungkhat in, ” Pyay thusutnak hmunpi ah aum lai ih an hrem nasa ti kan thei, zarhkhat a kim zo. A innsang pawl khalin tuini tiang an pehtlaih thei hrih lo, a innsang pawl hrangah a him nawn lo. Pastor Salai Ellone Wai cu rawngbawltu a si, PDF tin diklo zetin an kai” a ti.

Paukkhaung khua, Htone Taung Church ah Christmas ava hmang. December 28, 2021 ah Minhla khua lam pan in a tlun laiah Pyay Check-Gate ah ralhrang pawlin thu an rak sut. A phone an zohsak ih a phone sungah zuk, video le zaihla pawl an hmuh ruangah PDF tin an kai cih.

A hmeltheih in, “Phone sungah kan duh asilen zuk cu kan ret thei, kan thu sisi. Pastor hi PDF a si lo ti ka theifiang tuk, Yangon ah Bible tlawng arak kai rero zo” a ti.

Be the first to comment

Leave a Reply

Your email address will not be published.


*