Chin Pawlpi USA In Thantlang Innkang Bawmnak Ah $16,920 An Hlan

Chin Community USA in Thantlang innkang bawmnak hrangah tin sumpai an hawl ih $16,920 zat an ngah. December 28, 2021 ah Global Thantlang Relief Organization hnenah an hlan ih GTRO khalin lungawithu simnak an nei.

Chin Community, USA Inc. in, “Thantlang Innkaang Bawmnak sumpai thawhtu hnen lungawi thusimnak. Kawlram ralkap in Thantlang khua Inn 100 hnak ih tam an urkang sak ruangah minung ziang mawzat ramdang thawi ramri ah an tlan ih minung ziang mawzat cu hrambulak ah beunak hawl in an vakvai rero.

Hitivek ih harsa mangbang pawl bawm dingah Chin Community USA khal in ṭuanvo a nei ih bawmnak sumpai hawl a si. Facebook sumpai hawlnak le a dangdang ihsin sumpai $16920 (dollar thawng hleiruk zakua leh kul) ngah a si. Himi sumpai ngahmi hmuahmuah cu Global Thantlang Relief Organization hnenah hlan a si.

December 28, 2021, ah Chin Community USA ih Women Secretary Mai Sui Siang in Global Thantlang Relief Organization ih CEO ṭuanvo kaitu Ni Cung Lian hnenah check thawn hlan fel a si.

Thantlang Innkaang hrangih sumpai rak thawhtu Kohhran pawl hnenah siseh, pawlkom dangdang hnenah siseh, pumpak mimal hnenah siseh Chin Pawlpi USA in lungawi thu kan sim. Lairam le Kawlram pumpuluk sungah remdaihnak um thei dingin zumtu zate’n thlaza cam tlang cio uhsi” tin an tarlang.

Be the first to comment

Leave a Reply

Your email address will not be published.


*