Chin Person of The Year, 2020 Zohṭhimtlak Bik Hril Ding Thuthan

Chin Community USA ih a hril ṭheu mi Zohṭhimtlakbik (Person of the Year) cu 2020 hrang khal hril a si ding. Mipi zate’n July 1, 2021, ihsin July 31, 2021, tiang Nominate (hrilsung) theih a si.

Zohṭhimtlakbik 2020 nominate le hril tikah (2019-2020) kum hnih sungih an hlawhtlinnak asilole, an thilṭha tuahmi zoh ih nominate le hril ding a si. Zohṭhimtlakbik 2020 hril mi cu September 3-5, 2021, Chin Kum Thar tuahnak hmun USA ah puan a si dingih lawmman pek a si ding.

Zohṭhimtlakbik 2020 hrilnak hrang TAHFUNG pawl: (i) Chin miphun le Chin ram ṭhansohnak hrang ṭuantu le zuamtu, (ii) Chinmi hmunzakip ih um pawl bawmtu le fingkhawitu, (iii) Chin ṭong, Calai le Nunphung kilhim ih cawisangtu, (iv) Chinmi zate huap ih lungrualnak le duhdawtnak hrang ih sulsattu le ṭuantu

(v) Fimthiamnak (Education), Awnmawi (Music), Lehpannak (Sport), Thiamzawng hnaṭuan (Field) a phunphun ah zohṭhimtlak tiang hlawhtlinnak ngahtu, (vi) (2019-2020) kum hnih sungih an hlawhtlinnak le an thil tuah mi (Zohṭhimtlakbik an sinak) par ihsin hril a si ding.

Zohṭhimtlakbik 2020 Nominate (Hrilsung) tuah dan dingL (i) Zohṭhimtlakbik hril ding cu July 31, 2021, tiang netabik nominate theih a si. (ii) Nominate tikah (2019 – 2020) kum hnih sungih an hlawhtlinnak asilole
an thilṭha tuah mi (Zohṭhimtlakbik an sinak) zoh ih nominate ding a si.

(iii) Chin Falam hnahthlak sung mi lawng nominate (hrilsung) ding a si. (iv) Kawlram le leitlun hmun dangdang ih ummi sung ihsin nominate theih a si. (v) Mi pakhat in nominate (hrilsung) mi pakhat lawng tuah theih a si. (vi) Nominate mi cu zohthimtlakbik2020@gmail.com ah kuat ding a si. (vii) Thusut duhmi a um asile zohthimtlakbik2020@gmail.com ah sut theih a si.

Nominate mi ih thuanthu tawi ngan tikah a hnuailam ih Ca ngan dan ruahman mi vekin thlun ding a si. (i) Nominate mi ih thuanthu tawi cu cahmai-2 (2pages) hnak ih tam lo nganmi a si ding. (ii) Cangannak cahnah le cafang hman dan pawl cu a hnuailam vekin a si ding.

Paper size = Letter/A4, Font Style = Times New Romans, Font Size = 12 points, Margins: Top = 1inch, Bottom = 1inch; Right = 1inch; Left = 1inch, Cangan mi cu pdf file thawn kuat ding a si. (iii) Nominate mi ih Hmin pum (Full Name), Umnak address, email ID, pehtlaihnak telephone number, Facebook ID ti pawl kimcangten ngan tengteng ding a si.

(iv) Nominate tu ih Hmin pum (Full name), umnak Address, email ID, telephone number (OR) Facebook ID ti pawl kimcangten ngan ding a si. Hminsin: A tlunlam ih Ca ngan dan ruahman mi thlun lo nominate nak ca cu hnawl a si ding (Pom a si lo ding).

Zohṭhimtlakbik lawmman ngahzotu pawl nominate (hrilsung) tuahsal theih a si lo. Zohṭhimtlakbik lawmman ngah zotu pawl: (i). Rev. Dr. Hre Kio ​​​Kum 2003, (ii). Dr. Za Hlei Thang ​​Kum 2005, (iii). Edward Thawng Hmung​​Kum 2006, (iv). Dr. Runbik Taitthio ​​Kum 2007, (v). Rev. Dr. Biak Hlei Mang ​​Kum 2008

(vi). Levi Sap Nei Thang ​​Kum 2009, (vii). Lailun Foundation ​​Kum 2010, (viii). Cheery Zahau ​​​Kum 2011, (ix). Ngun Thawng​​​Kum 2012, (x). No Than Kap​​​Kum 2013, (xi). Dr. Hrin Nei Thiam​​Kum 2014, (xii). Olivia YinHua Thawngluai​Kum 2015
(xiii). Thawm Hlei Mang​​Kum 2016

(xiv). Salai Lian Luai​​​Kum 2017, (xv). Dr. Than Bil Luai​​​Kum 2018, (xvi). Pu Van Kyi​​​Kum 2019. Hminsin: A tlunlam ih Zohthimtlakbik Lawmman ngah zo tu pawl nominate tuah theih an si lo. Chin Community USA (Chin Pawlpi USA).

Be the first to comment

Leave a Reply

Your email address will not be published.


*