Chin Pitar Cu Fangfai Lei Dingin A Feh Ih Ralkap Pawlin A Sumpai An Rak Lonsak

Chin ram, Kanpetlet Township, Ye Laung Pan khua ih um pitar kum 65 mi cu khawpi ah fangfai lei dingin ava feh.

Tuizing October 7, 2021 zinglam ah ke in Kanpetlet khawpi ah ava feh ih check-gate ah ralkap pawlin an rak check ih a kutsung ih um sumpai zaten an laksak thluh.

Kanpetlet khuami pakhat in “Khuasung tlawnginn kot ah a si, ralkap pawl ih check-gate aum. A sumpai 70000 an lonsak, pitar in sumpai cu ava dilsal ih kan lo kap that ding tin an hringhro. Himi check-gate ah ralkap 10/15 hrawng an um ringring, curuangah kannih cu himi gate hi kan hel ṭheu” a ti.

Kanpetlet le Ye Laung Pan khua cu peng 5 lenglo in a hlanaw, pitar cu zianghman a lei ngah lo ih ke in an khua lamah a tlungsal thu theih a si. (#Zalen)

Be the first to comment

Leave a Reply

Your email address will not be published.


*