Chin Ram Ah Nauhak Kum 6 Mi Cu A Lek Rero Laiah Ralkap Bomb In A Tlak Ngah Ih A Thi

Chin ram, Matupi ah nunau nauhak kum 6 mi cu a lek rero laiah ralkap pawl ih kahmi bomb in a tlak ngah ih a nunnak a liam thu theih a si.

Ralkap sakhan 140th Infantry Battalion ihsin pukpi an kap ciamco ih Thlangpang le Valangpi khua sungah an va tla puak. CDF- Matupi in “Tuisun ah thlingthlatu kan thlahmi pahnih cu ralkap pawlin an rak kap that.

Cumi hnu ihsin khuasung lamah meithal an kap lut ciamco, Vangpi khua kiangih lek rero lai nauhak kum 6 mi cu ralkap ih bomb in a tlak ngah ruangah a hmun ah a thi cih. Thlangpang khuami mipa pakhat khal an hmuan ih a feh lamah an kap that” a ti.

Ralkap pawl cu sakhan leng ah an suak lo ih an sakhan sung ihsin catbang loin pukpi an kap ciamco. CDF – Matupi in “Doawknak hi a luar sinsin thei” an ti.

Be the first to comment

Leave a Reply

Your email address will not be published.


*