Chin Ram Ah Ralhrang Motor 80 Lenglo An Kaiso !!!

Magway, Kyauktaw lam ihsin ralhrang motor 80 lenglo le doawknak tank 2 cu Chin ram ah an kaiso ih March 23 simlam nazi 3:00 hrawngah Mindat ramsung an thleng.

Ralhrang motor pawl hi ei le in, thilri bungrua phur si an zum, Mindat le Matupi ih umhmun khuar ralhrang pawl ih thazang an cakter tum a si ding.

CDF-Mindat in ‘March 19 ihsin Mindat-Matupi lamzin hmang lo dingin mipi pawl hnenah theihternak an suah, an hman thotho ih an parah thilpoi a thleng asilen ṭuanvo an la lo ding thu an tarlang.

2021 August, November le 2022 February thla ah ralhrang pawl cu Mindat-Matupi lamzin ah an feh ih CDF-Mindat, CDF-Matupi pawlin an rak kap ciamco ruangah ralhrang thi le hliamtuar an tam zet. Ralhrang motor le an leinornak tank khal CDF pawlin an siatsuah sak zo.

Be the first to comment

Leave a Reply

Your email address will not be published.


*