Chin Ram Aiawh Ih Mithong Thiam Hminthang Hlun Cu Ralhrang Pawlin An Kap That

Chin State, Mindat peng, Pyay khua ih um boxing thiam hminthang hlun cu May 25, 2022 sun ah ralhrang pawlin an kap that. Mithong thiam Salai Ha Shing Uam (Saya Hein Htike Zaw) cu an inn ah ava tlung duak thu ralhrang pawlin an thei, kai dingin an inn cu an kulh ih an kap that.

Tualsung mi pakhat in, “Khua ah ara tlung duak ih ralhrang pawlin an kulh. An innpar ihsin tikuang ah a dawp. An kai asilen sualnak anei le nei lo khalah an hrem thotho ding ruangah innpar ihsin a dawp sawn. A ke a khawng ngah a si ding, a tlan thei nawn lo. A tlan thei nawn lo mi cu ralhrang pawlin an kap that” tin Mizzima thuthang hnenah a sim thei.

Pyay khua cu Mindat ramsung lutnak ah aum, Mindat ihsin ralhrang pawl an khua ih an lut laiah phone line pawl a siat thluh ruangah thuthang an peaw thei lo, an pehtlaih thei lo. Salai Ha Shing Uam cu 2000 kum ah boxing khawvel ah a lut thok.

Salai Ha Shing Uam ih nupi khal ralhrang pawlin an kai ih an hruai. Myanmar National Boxing Club, Saya Gyi Min Thein Kha hnen khalah boxing arak zir zo. 2000 kum ihsin 2004 tiang Mandalay Sports Science University ah boxing a zir. 2000 kum ihsin 2006 kum tiang Chin ram aiawh in Thailand ram ah boxing zuamawknak ah ava tel.

Be the first to comment

Leave a Reply

Your email address will not be published.


*