Chin Ram, Kennedy Tlangpar Ah Ralhrang 12 Cu Parachute In An Thlah Ih Pakhat A Tla Tupti

Chin ramsung doawknak a sosang deuhdeuh ruangah ralhrang pawl cu leihnuai lam ihsin an feh thitha ngam nawn lo ih tlunlam ihsin an cangvai.

January 19, 2022 sun nazi 1:00 hrawngah ralhrang pawlin doawknak helicopter in ralhrang 12 cu Tedim ramsung, Kennedy tlangpar ah an va thlah. Himi tlangpar ih um ralhrang pawl cu tualsung mipi kilhimtu pawlin an hrentang ruangah an tlansuak thei lo.

Cutin parachute in ralhrang 12 cu an dawp ih pakhat cu a parachute a ong thei lo ruangah a tla tupti, tualsung mipi kilhimtu pawlin hlaral ihsin an rak hmu ih tikuang ah a tla an ti. A thi le thi lo cu theih a si lo.

Tualsung mipi kilhimtu in, “Himi thuthang cu a dik ko. Ralhrang pawl cu thilri bungrua phur phahin an tum, tlangpar ih um ralhrang sakhan cu tualsung mipi kilhimtu pawlin thla 3 lenglo kan kulhbet zo ruangah ei le in ding an nei nawn lo. Tidai in ding khal an nei lo, tlang hnuaiah tum in tidai an khai thei lo. Sakhan ihsin tlansuak khal an tam tuk zo, curuangah ei le in le minung thazang an cakter sal tum” a ti.

Be the first to comment

Leave a Reply

Your email address will not be published.


*